Abasore n’inkumi bakinira amakipe ya REG Volleyball Club na APR Volleyball nibo begukanye intsinzi mu irushanwa ryo gushimira abasora beza ryabaye muri weekend ku matariki 19 na 20 Ugushyingo 2022.

Mu bagabo REG VC yegukanye igikombe itsinze Gisagara Volleyball club ku maseti atatu kuri imwe, bityo REG ihigika Gisagara VC yari isanganywe icyo gikombe yari yatwaye umwaka ushize ubwo iri rushanwa ryo gushimira abasora ryabaga ku nshuro ya mbere.

Mu cyiciro cy’abagore ikipe ya APR VC yatsinze iya RRA VC nabo ku ntsinzi y’amaseti atatu kuri imwe, APR VC itwara igikombe RRA VC yari ifite kuva umwaka ushize ubwo ikipe ya RRA VC yari yegukanye iki gikombe itsinze UTB VC amaseti atatu kuri abiri.

Amakipe yegukanye ibikombe yombi yahawe ibihembo birimo igikombe, imidari y’ishimwe ku bakinnyi n’abatoza ndetse n’ibihembo by’amafaranga angana na miliyoni 2 (2,000,000) kuri buri kipe.

Amakipe ya kabiri, Gisagara VC mu bagabo na RRA VC mu bagore yo yahembwe amafaranga miliyoni imwe n’igice (1,500,000) mu irushanwa ryabaye ku nshuro ya kabiri rigamije gushimira no kumenyekanisha abasora beza mu Rwanda.

Ikipe ya gatatu yo yahembwe amafaranga miliyoni imwe (1,000,000).

Iri rushanwa ryatangiye mu mwaka ushize wa 2021, rizajya riba buri mwaka. Ritegurwa n’Ikigo cy’Imisoro n’Amahoro gifatanyije n’ishyirahamwe ry’umukino wa Volleyball mu Rwanda hagamijwe kumenyekanisha akamaro ko gutanga umusoro mu iterambere ry’igihugu, gushiimira abasora beza ndetse no gushishikariza abandi kubyitabira. Ni uburyo kandi abikorera barimo benshi mu batanga umusoro bakoresha mu kumenyekanisha ibikorwa byabo.

Iri rushanwa ryabereye ku bibuga bitandukanye mu muujyi wa Kigali, imikino ya nyuma no gutanga ibihembo bibera mu nzu y’imikino n’imyidagaduro ya BK Arena.

Abasore n’inkumi bakinira amakipe ya REG Volleyball Club na APR Volleyball nibo begukanye intsinzi mu irushanwa ryo gushimira abasora beza ryabaye muri weekend ku matariki 19 na 20 Ugushyingo 2022.

Mu bagabo REG VC yegukanye igikombe itsinze Gisagara Volleyball club ku maseti atatu kuri imwe, bityo REG ihigika Gisagara VC yari isanganywe icyo gikombe yari yatwaye umwaka ushize ubwo iri rushanwa ryo gushimira abasora ryabaga ku nshuro ya mbere.

Mu cyiciro cy’abagore ikipe ya APR VC yatsinze iya RRA VC nabo ku ntsinzi y’amaseti atatu kuri imwe, APR VC itwara igikombe RRA VC yari ifite kuva umwaka ushize ubwo ikipe ya RRA VC yari yegukanye iki gikombe itsinze UTB VC amaseti atatu kuri abiri.

Amakipe yegukanye ibikombe yombi yahawe ibihembo birimo igikombe, imidari y’ishimwe ku bakinnyi n’abatoza ndetse n’ibihembo by’amafaranga angana na miliyoni 2 (2,000,000) kuri buri kipe.

Amakipe ya kabiri, Gisagara VC mu bagabo na RRA VC mu bagore yo yahembwe amafaranga miliyoni imwe n’igice (1,500,000) mu irushanwa ryabaye ku nshuro ya kabiri rigamije gushimira no kumenyekanisha abasora beza mu Rwanda.

Ikipe ya gatatu yo yahembwe amafaranga miliyoni imwe (1,000,000).

Iri rushanwa ryatangiye mu mwaka ushize wa 2021, rizajya riba buri mwaka. Ritegurwa n’Ikigo cy’Imisoro n’Amahoro gifatanyije n’ishyirahamwe ry’umukino wa Volleyball mu Rwanda hagamijwe kumenyekanisha akamaro ko gutanga umusoro mu iterambere ry’igihugu, gushiimira abasora beza ndetse no gushishikariza abandi kubyitabira. Ni uburyo kandi abikorera barimo benshi mu batanga umusoro bakoresha mu kumenyekanisha ibikorwa byabo.

Iri rushanwa ryabereye ku bibuga bitandukanye mu muujyi wa Kigali, imikino ya nyuma no gutanga ibihembo bibera mu nzu y’imikino n’imyidagaduro ya BK Arena.