Inyungu

Umusoreshwa udashoboye kwishyura umusoro agomba kwishyura, asabwa kwishyura inyungu ku musoro. Inyungu zibarwa buri kwezi ku rugero Banki nkuru y’igihugu ibariraho andi mabanki wongeyeho abiri ku ijana. Urugero: Iyo inyungu y’amabanki ari 9%, inyungu itangwa iba 11% ku mwaka.  

Ibihano

1. Ku birebana n’umusoro ufatirwa ku mushahara, umusoreshwa ahanwa cyangwa agacibwa amande iyo ananiwe ibi bikurikira:
2. gutanga inyandiko zimenyekanisha umusoro ku gihe;
3. gutanga inyandiko z’imenyekanisha umusoro ufatirwa ku gihe;
4. gufatira umusoro
5. gutanga amakuru yasabwe n’ubuyobozi bw’imisoro;
6. korohereza imirimo umugenzuzi w’imari;
7. gutanga amakuru yerekeye ubushobozi cyangwa akazi yahawe nk’uko bivugwa mu ngingo ya 7 §2  y’Itegeko rigena imitunganyirize y’isoresha;
8. kwiyandikisha nk’uko bivugwa mu ngingo ya 10 y’itegeko rigena imitunganyirize y’isoresha; cyangwa
9. kubahiriza ingingo ya 12, cyangwa iya 13 z’itegeko rigena imitunganyirize y’isoresha.