Andi makuru arebana na TVA

Hano urahasanga amategeko n'andi makuru arebana TVA

1. Ishimwe rishingiye ku musoro ku nyongeragaciro

Mu rwego rwo gushishikariza abaguzi gusaba inyemezabuguzi zemewe za EBM,
hashyizweho ibihembo ku muguzi wa nyuma usabye fagitire ya EBM. Iteka rya Minisitiri nº 002/25/10/TC ryo ku wa 16/04/2025 ryerekeye ishimwe rishingiye ku musoro ku nyongeragaciro rigena ishimwe rishingiye ku musoro ku nyongeragaciro, rigena ko umuguzi wa nyuma ahabwa ishimwe rya 10% by’umusoro ku nyongeragaciro ugaragara ku nyemezabuguzi yahawe.
Icyakora, umuguzi wishyuye agasaba inyemezabuguzi ntayihabwe akabimenyesha Ubuyobozi bw’imisoro ahabwa ishimwe ry’inyongera ringana na 50% by’ibihano bihawe uwo mucuruzi.

Kwinjira muri iyi gahunda yo guhabwa ishimwe rya TVA, umuntu asabwa kwiyandikisha mu buryo bukurikira: 
Gukoresha telefoni ngendanwa ugakanda *800# ugakurikiza amabwiriza, cyangwa
ukanyura kuri : https://myrra.rra.gov.rw/basic/login/indexLogin ugakurikiza amabwiriza.

Amafaranga y’ishimwe atangwa buri gihembwe agashyirwa kuri konti ya Mobile Money cyangwa konti ya banki yatanzwe n'uwiyandikishije kuri iyi gahunda.
 

2. Inyandiko z'ingenzi zirebana na TVA 

a) Itegeko nº 009/2025 ryo ku wa 27/05/2025 rihindura Itegeko nº 049/2023 ryo ku wa 05/09/2023 rishyiraho umusoro ku nyongeragaciro

b) Itegeko Nº 049/2023 of 05/09/2023 rishyiraho umusoro ku nyongeragaciro
c) Itegeko N° 020/2023 of 31/03/2023 rigena uburyo bw'isoresha 

d) Iteka rya Minisitiri nº 002/25/10/TC ryo ku wa 16/04/2025 ryerekeye ishimwe rishingiye ku musoro ku nyongeragaciro