Ikipe ya RRA VC mu bagore na REG mu bagabo nizo, kuri iki cyumweru, zatahanye umwanya wa mbere mu irushanwa ngarukamwaka ribaye ku nshuro ya 11 ryo kwibuka Padiri Kayumba Emmanuel, wayoboye GSOB, ryaberaga mu Karere ka Huye. Muri serie A, RRA VC Yatwaye igikombe nyuma yo gutsinda mukeba wayo UTB set 3-1 (25-16,25-23, 18-25, 25-17), naho  REG yatsinze ku mukino wa nyuma UTB set 3-2 (25-20, 24-26, 13-25, 38-36, 15-8). Ikipe yabaye iya mbere yahawe igikombe ndetse na cheque y'amafaranga 300,000. Mu mikino ya 1/2 cy'irangiza nayo yari yabanje uwo munsi RRA yari yihereranye KVC iyitsinda set 3-0, mu gihe UTB nayo yari yageze ku mukino wa nyuma nyuma yo gutsinda APR set 3-0. Iri rushanwa ryabaye ku matariki 7-8 Werurwe muri Serie A mu cyiciro cy'Abagore hitabiriye amakipe 7 (RRA VC, UTB VC, APR VC, KVC, Ruhango VC, IPRC Kigali na IPRC Huye ) naho mu cyiciro cy'Abagabo hitabira amakipe 4 (REG VC, UTB VC, Kirehe na Amicale yaturutse i Burundi). Padiri Kayumba Emmanuel iri rushanwa ritegurwa mu rwego rwo kumwibuka, yitabye Imana muri 2009 akaba yari umuyobozi wa GSO Butare Indatwa n’Inkesha. Yabaye umwe mu bantu bitanze kandi bagize uruhare mu iterambere ry’umukino wa Volleyball mu Rwanda.